دوقني
واحد مشى مع مدامتو للسينما
شرى شيبس وبدا ياكل
قالتلو مدامتو ذوقني، عطاها حبة
كلاتها وقالتلو زيد ذوقني
قالها: يا الحمارة!! كاملين عندهم بنة وحدة
باش كتحلم
سول الأستاذ واحد التلميد: باش كتحلم؟
قال ليه الدري: كنحلم نشد 10000 درهم ف الشهر بحال الوالد.
قال ليه الأستاذ: علاش باك كيشدهم؟
قال ليه الدري: لا، حتى هو غير كيحلم.
طلق مرتو
هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.
ناض السيد كيضحك. سولو القاضي: مالك؟
قال ليه: كانت كتديها كاملة
الرومانسية
وحدة رومانسية فيقت راجلها فــ النص د الليل
وقالت ليه: هل ينام الحب ليلا، أم ينام الليل حباً، أم أنا والليل حبٌ لا ينام؟
رد عليها: هل تريدين الطلاق، أم أن الطلاق يريدك، أم أنت والطلاق تريدون بعضاً؟
الخميس مايو 01, 2014 12:06 pm
